A nosa visiónVemos un mundo que necesita paz, solidariedade e compromiso pola xustiza social, a fraternidade e o coidado mutuo das persoas e do medio ambiente, en comunidades que sexan protagonistas, tendo a colaboración e a participación como sinais de identidade, con espazos que busquen a harmonía, que integren a diversidade a través de fórmulas creativas e xenerosas.
A nosa misiónPara acadalo, en Alvariza Colaborativas Compostela, fixámonos como medios a solidariedade, a interxeracionalidade e o coidado mutuo na nosa propia comunidade definida como un proxecto de vida colaborativa que favoreza vivendas asequibles e a soberanía enerxética ao servizo do medio ambiente e da sociedade. O noso centro de gravidade é a convivencia favorecida pola sociocracia como modelo de gobernanza e aberta á sociedade para garantirnos a calidade de vida que merecemos.
Obxectivos
A nosa filosofíaAlvariza é un espazo de convivencia intencional, colaborativo, activo e participativo.
Queremos construír unha comunidade de convivencia na que as persoas que a compoñen compartan un obxectivo común, crear un espazo no que tecer redes de apoio, de confianza, respecto e coidado entre iguais, buscando equilibrio entre os espazos e os tempos privados coas relacións e actividades colectivas. Interxeracional Porque cremos que unha comunidade que procura a inclusión mediante a conexión e a solidariedade entre xeracións diferentes será unha comunidade mais confiada e máis segura. Aberta á interacción coa contorna Asentada en Santiago ou comarca, ben comunicada e con fácil acceso aos servizos. Integrada na contorna, tanto no aspecto material como no social, buscando a interacción coa comunidade próxima. Modelo de vivenda Non especulativo, funcional e alcanzable economicamente, en cesión de uso, onde a propiedade do dereito de uso e privada dos cooperativistas e o construído é propiedade colectiva da cooperativa. Sostible Promoveremos unha construción sostible e un estilo de vida comunitaria coherente con este principio OS VALORES NO PROXECTO A solidariedade Entendida como medio de compensación social en situacións de desigualdade e relacionada coa rede de apoio e coidados que debemos construír e desenvolver no día a día. Liberdade e igualdade Alvariza é a unión de persoas libres e iguais en dereitos e dignidade, pero diversa ao mesmo tempo, harmonizar a convivencia de singularidades persoais será o noso obxectivo. Igualdade entre xéneros Entendemos que os roles de xénero forman parte da nosa cultura e da nosa educación, polo que, inconscientemente, as nosas accións e discursos poden vir impregnados de estereotipos de xénero. Comprometémonos a velar polos dereitos e as liberdades de homes e mulleres, nenas e nenos. Espazos privados e comúns Unha das principais vantaxes do xeito de vida colaborativo é que ao tempo que podemos dispor do noso espazo privado, podemos compartir espazos, servizos e actividades nos que dar tamén cabida a estancias de familiares e amizades. Conxuntamente definiremos que espazos estarán abertos dentro da comunidade para a relación coa contorna. Coidado e servizos Como comunidade interxeracional asumimos que os coidados, propios e alleos, son unha parte esencial do noso xeito de vivir en comunidade, desde o inicio da vida ata o remate da mesma. Implicándonos nas relacións cotiás, creando recursos organizativos ou mesmo utilizando servizos externos cando sexa necesario. Respecto O noso compromiso é construír unha comunidade igualitaria nos seus dereitos, respectuosa nas súas diferenzas e integradora na súa diversidade. Responsabilidade Entendida como compromiso profundo e leal co proxecto, coa comunidade e cos seus valores, normas e obxectivos. Asumimos e aceptamos que o mesmo que a liberdade é tamén a do outro, a responsabilidade é sempre individual, non pode nin debe ser delegada noutros. OS VALORES NA DINÁMICA Promoción, construción e xestión propia Entendemos a promoción propia como participación e control do grupo en todo o proceso (deseño do proxecto, das vivendas, dos espazos comúns, etc.…) o que significa que cada cooperativista participará activa e colaborativamente en cada unha das fases e tarefas que se precisan para elaborar o proxecto, promover a difusión do mesmo, a construción e finalmente a vida en común. Organización horizontal O estilo de organización será democrático e participativo, formando grupos ou comisións de traballo que permitan chegar a acordos despois de escoitar todas as voces. Con este fin optamos por adoptar a Sociocracia como método de toma de decisións por consentimento, baseado no compromiso e responsabilidade persoal, asumindo esta forma de organización e gobernanza. A asemblea É o espazo de encontro de todas as persoas asociadas e o foro onde serán oídas todas as opinións e propostas debatidas e aprobadas nos grupos. O funcionamento sociocrático permite que a asemblea sirva para poñer en común o remate do proceso validando a toma de decisións. A negociación e a mediación na resolución de conflitos Sabemos que os malestares e conflitos irán aparecendo, xa que forman parte da relación entre as persoas. Para prevelos e resolvelos co menor dano posible, dotarémonos de recursos na liña dos propostos pola Teoría da Comunicación Non Violenta e nos principios da mediación. Este documento que chamamos “A nosa filosofía” ten carácter de contrato social entre individuos que van formar unha colectividade e, polo tanto, é vinculante para cada unha das persoas que forman parte dela. |